മി​ഥു​ൻറെ സംസ്കാരം ഇന്ന് വൈകിട്ട്; സ്കൂളിലേക്ക് വിലാപയാത്ര; അമ്മ സുജ വിമാനത്താവളത്തിലെത്തി; കണ്ണീരായി എട്ടാം ക്ലാസുകാരൻ

കൊ​ച്ചി: തേ​വ​ല​ക്ക​ര ബോ​യ്സ് ഹൈ​സ്കൂ​ളി​ൽ വൈ​ദ്യു​ത​ഘാ​ത​മേ​റ്റ് മ​രി​ച്ച മി​ഥു​ൻറെ സംസ്കാരം ഇന്ന് വൈകിട്ട്. അമ്മ സുജ നെടുമ്പാശ്ശേരി വിമാനത്താവളത്തിലെത്തി. ഭൗതിക ശരീരം വിലപയാത്രയോടെ സ്കൂളിലേക്ക് എത്തിക്കും. മഴയെ അവ​ഗണിച്ചും മിഥുനെ കാണാൻ സഹപാഠികളും അധ്യാപകരുടേയും നാട്ടുകാരും ഓടിയെത്തി. ഇ​ന്ന് വൈ​കു​ന്നേ​ര​മാ​ണ് മി​ഥു​ൻറെ സം​സ്കാ​രം.

ശാ​സ്താം​കോ​ട്ട താ​ലൂ​ക്ക് ആ​ശു​പ​ത്രി​യി​ൽ നി​ന്നും രാ​വി​ലെ പ​ത്തി​ന് മൃ​ത​ദേ​ഹം സ്കൂ​ളി​ൽ എ​ത്തി​ക്കും. 12 വ​രെ സ്കൂ​ളി​ല് പൊ​തു​ദ​ർ​ശ​നം. സ​ഹ​പാ​ഠി​ക​ളും അ​ധ്യാ​പ​ക​രും നാ​ട്ടു​കാ​രും ആ​ദ​രാ​ഞ്ജ​ലി അ​ർ​പ്പി​ക്കും. തു​ട​ർ​ന്ന് മൃ​ത​ദേ​ഹം ശാ​സ്താം​കോ​ട്ട വി​ള​ന്ത​റ​യി​ലെ വീ​ട്ടി​ൽ എ​ത്തി​ക്കും. വൈ​കി​ട്ട് അ​ഞ്ചി​ന് വീ​ട്ടു​വ​ള​പ്പി​ലാ​ണ് സം​സ്കാരം. വിമാനത്താവളത്തിലെത്തിയ അമ്മ സു​ജ​യെ കാ​ത്ത് ഇ​ള​യ​മ​ക​നും ബ​ന്ധു​ക്ക​ളും ചേർന്ന് വീട്ടിലേക്ക് കൊണ്ടുവരും.

തു​ർ​ക്കി​യി​ൽ നി​ന്നു​മാ​ണ് സു​ജ നെ​ടു​മ്പാ​ശേ​രി​യി​ലെ​ത്തി​യ​ത്. അതേസമയം തേ​വ​ല​ക്ക​ര സ്‌​കൂ​ളി​ൽ എ​ട്ടാം ക്ലാ​സ് വി​ദ്യാ​ർ​ഥി മി​ഥു​ൻ ഷോ​ക്കേ​റ്റ് മ​രി​ച്ച സം​ഭ​വ​ത്തി​ൽ രാ​ഷ്ട്രീ​യ മു​ത​ലെ​ടു​പ്പ് ന​ട​ത്ത​രു​തെ​ന്ന് വി​ദ്യാ​ഭ്യാ​സ​മ​ന്ത്രി വി.​ശി​വ​ൻ​കു​ട്ടി. സം​ഭ​വം ന​ട​ന്ന് 24 മ​ണി​ക്കൂ​റി​നു​ള്ളി​ൽ ന​ട​പ​ടി​യെ​ടു​ത്തെ​ന്നും മ​ന്ത്രി പ്ര​തി​ക​രി​ച്ചു. കു​റ്റം ചെ​യ്ത​വ​ർ​ക്കെ​തി​രേ മു​ഖം നോ​ക്കാ​തെ ന​ട​പ​ടി​യെ​ടു​ക്കും. മ​ര​ണ​വീ​ട്ടി​ൽ പോ​കു​ന്ന മ​ന്ത്രി​മാ​രു​ടെ വാ​ഹ​ന​ത്തി​ന് മു​ന്നി​ലാ​ണ് ക​രി​ങ്കൊ​ടി​യു​മാ​യി ആ​ത്മ​ഹ​ത്യാ സ്‌​ക്വാ​ഡു​പോ​ലെ ചി​ല​ർ എ​ടു​ത്തു​ചാ​ടു​ന്ന​തെ​ന്ന് മ​ന്ത്രി വി​മ​ർ​ശി​ച്ചു. ഇ​ത് ന​ല്ല രീ​തി​യ​ല്ല. മ​റ്റൊ​രു ര​ക്ത​സാ​ക്ഷി​യെ​ക്കൂ​ടി സൃ​ഷ്ടി​ക്കാ​നാ​ണ് ശ്ര​മ​മെ​ന്നും മ​ന്ത്രി പ​റ​ഞ്ഞു.