ടിപ്പർ ലോറിയുടെ ടയർ മാറ്റുന്നതിനിടെ വൈദ്യുതി ലൈനിൽ തട്ടി യുവാവ് മരിച്ചു

കോട്ടയം : ചങ്ങനാശ്ശേരിയിൽ ടിപ്പർ ലോറിയുടെ ടയർ മാറുന്നതിനിടയിൽ ടിപ്പറിന്റെ ഹൈഡ്രോളിക് ടെയിൽ വൈദ്യുതി ലൈനിൽ തട്ടി യുവാവിന് ദാരുണാന്ത്യം. മാമ്പുഴക്കേരി നെടിയകാലപറമ്പിൽ രാജുവിൻ്റെയും സാൻ്റിയുടെയും മകൻ സിജോ രാജുവാണ് മരിച്ചത്. ചങ്ങനാശ്ശേരി ബൈപ്പാസിൽ സൗപർണിക ഫ്ലാറ്റിന് സമീപം രാവിലെ 10: 30 ഓടെയാണ് അപകടം ഉണ്ടായത്. ഷോക്കേറ്റ ഉടനെ സിജോയെ സമീപത്തെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. കഴിഞ്ഞ 10 വർഷമായി സിജോ ഈ സ്ഥാപനത്തിൽ ജോലി ചെയ്തു വരികയായിരുന്നുഷിജോ ,സിൻ്റോ എന്നിവർ സഹോദരങ്ങളാണ്. ചങ്ങനാശ്ശേരി പോലീസ് സ്ഥലത്തെത്തി തുടർനടപടികൾ സ്വീകരിച്ചു.