പൂനെ : തലേഗാവില്‍ നടപ്പാലം തകര്‍ന്ന് അഞ്ച് മരണം. ഇന്ദ്രായനി നദിക്ക് കുറുകെയുള്ള പഴയ പാലമാണ് തകര്‍ന്നത്.ഞായറാഴ്ച ഉച്ചയോടെയായിരുന്നു സംഭവം.
നിരവധിയാളുകള്‍ പാലത്തില്‍ നില്‍ക്കവെ നടപ്പാലം തകര്‍ന്നു വീഴുകയായിരുന്നു. 15 മുതല്‍ 20 വരെയുള്ളയാളുകള്‍ നദിയില്‍ വീണിട്ടുണ്ടെന്നാണ് ദൃക്സാക്ഷികള്‍ പറയുന്നത്
കുറച്ചുനാളുകളായി പാലം ബലക്ഷയമുളള നിലയിലായിരുന്നു. അതിനാല്‍ പാലത്തിലൂടെ വാഹനങ്ങള്‍ കടന്നുപോകുന്നത് വിലക്കിയിരുന്നു.പൊതുവെ വിനോദസഞ്ചാരികള്‍ കൂടുതലായി എത്തുന്ന ഒരു മേഖല കൂടിയാണിവിടം.കനത്ത മഴയും ജലനിരപ്പ് ഉയരുന്നതും കാരണം, നദി കരകവിഞ്ഞൊഴുകുന്നത് കാണാന്‍ നിരവധി ആളുകള്‍ ഇവിടെ എത്താറുണ്ടായിരുന്നു. ഇങ്ങനെ എത്തിയ സഞ്ചാരികളാണ് അപകടത്തില്‍പ്പെട്ടത്.
