കോഴിക്കോട്: നെപ്റ്റോൺ സോഫ്ട് വെയർ ഉപയോഗിക്കുന്ന സംസ്ഥാനത്തെ വസ്ത്ര വ്യാപാര സ്ഥാപനങ്ങളിൽ വ്യാപക റെയ്ഡ്. സോഫ്റ്റ്‌വെയർ വഴി 1000 കോടിയുടെ വെട്ടിപ്പ് നടത്തിയതായി കണ്ടെത്തി. പത്ത് കേന്ദ്രങ്ങളിൽ ഇൻകംടാക്സ് നടത്തിയ റെയ്ഡിൽ രേഖകളില്ലാതെ 1000 കോടിയോളം രൂപയുടെ കച്ചവടം നടത്തിയെന്ന് കണ്ടെത്തി.
നെപ്റ്റോൺ എന്ന സോഫ്ട് വെയർ ഉപയോഗിച്ചാണ് വസ്ത്ര വ്യാപാര സ്ഥാപനങ്ങളിൽ വൻ തോതിൽ തട്ടിപ്പ് നടക്കുന്നതെന്ന് ഉദ്യോഗസ്ഥർ വ്യക്തമാക്കി. ഈ സോഫ്ട് വെയർ ഉപയോഗിച്ചാൽ ഉപഭോക്താക്കൾക്ക് കൃത്യമായി ബില്ല് ലഭിക്കുമെങ്കിലും സെർവറിൽ ഇത് രേഖപ്പെടുത്തില്ല.
ഇതുവഴി ആദായനികുതി വെട്ടിപ്പ് നടത്താൻ സാധിക്കും. ഇൻകംടാക്സ് ഇൻവെസ്റ്റിഗേഷൻ വിഭാഗം കോഴിക്കോട് യൂണിറ്റിന്‍റെ നേതൃത്വത്തിലാണ് റെയ്ഡ് നടക്കുന്നത്. 2019 മുതൽ 2025 വരെയുളള കാലഘട്ടത്തിലെ വ്യാപാര ഇടപാടുകളിലാണ് അന്വേഷണമെന്നും ഉദ്യോഗസ്ഥർ വ്യക്തമാക്കി.
