കൊച്ചി: ഓണക്കാലത്ത് കിടിലൻ ഓഫറുകളുമായി എത്തിയിരിക്കുകയാണ് ടാറ്റ മോട്ടോർസ്. കേരളത്തിലെ ഉപഭോക്താക്കൾക്കായി “കേരള കംസ് ടുഗെതർ വിത്ത് ടാറ്റ മോട്ടോഴ്സ്” എന്ന പേരിൽ പ്രത്യേക ഓഫറുകൾ പ്രഖ്യാപിച്ചു. പാസഞ്ചർ, ഇലക്ട്രിക് വാഹനങ്ങൾക്ക് 2 ലക്ഷം രൂപ വരെ കിഴിവ് ലഭിക്കും. ജൂലൈ 25 മുതൽ 2025 സെപ്റ്റംബർ 30 വരെയാണ് ഈ ഓഫറുകൾ ലഭിക്കുക. സ്വന്തമായി തയ്യാറാക്കിയ ഓണപ്പാട്ടോടുകൂടിയായാണ് ടാറ്റ ക്യാമ്പയിൻ കൊഴുപ്പിക്കുന്നത്.
ഉപഭോക്താക്കൾക്കായി ആകർഷകമായ ഫിനാൻസ് പ്ലാനുകളും ടാറ്റ മോട്ടോഴ്സ് അവതരിപ്പിക്കുന്നുണ്ട്. ഇലക്ട്രിക് വാഹന ഉപഭോക്താക്കൾക്ക് ആക്സസറികൾ, എക്സ്റ്റൻ്റഡ് വാറന്റി, എഎംസി, സർവീസ് റിപ്പയർ എന്നിവയ്ക്ക് ആറ് മാസത്തെ ഫിനാൻസിംഗ് സൗകര്യം ലഭ്യമാക്കും. കുറഞ്ഞ EMI, വരുമാനം വർധിക്കുന്നതിനനുസരിച്ച് EMI വർദ്ധിപ്പിക്കാൻ കഴിയുന്ന സ്റ്റെപ്-അപ്പ് പ്ലാൻ, ആദ്യ മൂന്ന് മാസത്തേക്ക് ഒരു ലക്ഷം രൂപയ്ക്ക് 100 രൂപ മുതൽ ആരംഭിക്കുന്ന കുറഞ്ഞ EMI പദ്ധതി എന്നിവയും പടത്തിൽ ഉൾപ്പെടുന്നു.
ICE മോഡലുകൾക്ക് 1 ലക്ഷം രൂപ വരെ കിഴിവ്. മറ്റു വാഹനങ്ങൾക്കും ആകർഷകമായ കിഴിവുകൾ പ്രഖ്യാപിച്ചു കഴിഞ്ഞു. ടിയാഗോ: 60,000 രൂപ, ടിഗോർ: 60,000 രൂപ, ആൾട്രോസ്: 1,00,000 രൂപ, പഞ്ച്: 65,000 രൂപ, നെക്സോൺ: 60,000 രൂപ, കർവ്: 40,000 രൂപ, ഹാരിയർ: 75,000 രൂപ, സഫാരി: 75,000 രൂപ എന്നിങ്ങനെയാണ് ഓഫറുകൾ.
ഇലക്ട്രിക് വാഹനങ്ങൾക്ക് 2 ലക്ഷം രൂപ വരെ കിഴിവ് നൽകും. ടിയാഗോ.ഇവി: 1,00,000 രൂപ, പഞ്ച്.ഇവി: 85,000 രൂപ, നെക്സോൺ.ഇവി: 1,00,000 രൂപ, കർവ്.ഇവി: 2,00,000 രൂപ, ഹാരിയർ.ഇവി: 1,00,000 രൂപ എന്നിങ്ങനെയാണ് ഇ വി സെഗ്മഡന്റിലെ ഓഫർ.
ടാറ്റ EV ഉടമകൾക്ക് പ്രത്യേക ലോയൽറ്റി ഓഫറുകളും പ്രഖ്യാപിച്ചിട്ടുണ്ട്. ഹാരിയർ ഇവിക്ക് 1,00,000 രൂപയും കർവ് ഇവിക്ക് 50,000 രൂപയും കിഴിവ് ലഭ്യമാണ്. ഈ ആനുകൂല്യങ്ങൾ പർച്ചേസ് ചെയ്യുന്ന സമയത്ത് നേരിട്ടുള്ള ക്യാഷ് ആനുകൂല്യമായാണ് നൽകുന്നത്.
