ന്യൂഡൽഹി: ചൈന ഇന്ത്യൻ ഭൂമി പിടിച്ചെടുത്തുവെന്ന പരാമർശത്തിൽ കോൺഗ്രസ് നേതാവ് രാഹുൽ ഗാന്ധിയെ രൂക്ഷമായ ഭാഷയിൽ വിമർശിച്ച് സുപ്രീം കോടതി. ചൈന ഇന്ത്യയുടെ 2,000 ചതുരശ്ര കിലോമീറ്റർ ഭൂമി പിടിച്ചു എന്ന പരാമർശം തികച്ചും ഗൗരവമേറിയതാണെന്നും അതിന് ആധികാരിക തെളിവുകളുണ്ടോ എന്നും കോടതി ചോദിച്ചു. ഭാരത് ജോ‍ഡോ യാത്രക്കിടയിൽ ചൈനയുടെ സൈന്യം ഇന്ത്യൻ സൈനികരെ മർദ്ദിക്കുന്നു എന്ന പരാമർശത്തിന്റെ അടിസ്ഥാനത്തിൽ ഫയൽ ചെയ്ത മാനനഷ്ട കേസിന്റെ വിചാരണയ്ക്കിടയിലാണ് കോടതിയുടെ വിമർശനം.
“നിങ്ങൾക്ക് ഇതു പറയാനുള്ള തെളിവ് എന്താണ്? എവിടെയാണ് രേഖകൾ? ഇത്തരം വിഷയങ്ങൾ മാധ്യമങ്ങൾക്ക് മുന്നിലോ സമൂഹ മാധ്യമങ്ങളിലോ പറയുന്നത് എന്തിനാണ്? നിങ്ങൾ അവിടെ ഉണ്ടായിരുന്നോ? 2,000 ചതുരശ്ര കിലോമീറ്റർ പിടിച്ചെടുത്തുവെന്ന് നിങ്ങൾ എങ്ങനെ അറിഞ്ഞു?” ജസ്റ്റിസ് ദത്ത അധ്യക്ഷനായ ബെഞ്ച് രാഹുലിന്റെ വക്കിലിനോട് ആരാഞ്ഞു. നിങ്ങളൊരു യഥാർത്ഥ ഇന്ത്യക്കാരനാണെങ്കിൽ ഇത്തരം പരാമർശങ്ങൾ ഉന്നയിക്കില്ലെന്നുമായിരുന്നു ബെഞ്ചിന്റെ മറ്റൊരു നിരീക്ഷണം.
എന്നാൽ ഇത്തരം വിഷയങ്ങൾ അദ്ദേഹത്തിന് പറയാൻ കഴിഞ്ഞില്ലെങ്കിൽ പിന്നെ എങ്ങനെയാണ് പ്രതിപക്ഷ നേതാവാകാൻ കഴിയുക എന്ന് രാഹുലിന് വേണ്ടി ഹാജരായ മുതിർന്ന അഭിഭാഷകൻ അഭിഷേക് സിഗ്വി എതിർത്തു. ഗാൽവാൻ താഴ്വര, ലഡാക്ക്, ഡെപ്സാങ്ങ് ഫ്ലാറ്റുകൾ, ഡെമ്ചോക് മേഖല എന്നിവിടങ്ങളിൽ ചൈനീസ് സൈന്യം ഇന്ത്യയുടെ നിയന്ത്രണത്തിലുളള പ്രദേശം പിടിച്ചെടുത്തിട്ടുണ്ട് എന്നും 2020-ലെ ഗാൽവാൻ സംഘർഷം ശേഷം നയതന്ത്ര നിലപാടുകൾ എത്രമാത്രം കാര്യക്ഷമമായി നടപ്പിലാക്കി എന്നും രാഹുൽ ഗാന്ധി വാദിച്ചു. ചൈനയുടെ അതിക്രമങ്ങൾ സംബന്ധിച്ച രാഹുൽ ഗാന്ധിയുടെ പ്രസ്താവന പാർലമെന്റിൽ പ്രസിദ്ധീകരിച്ചിരുന്നു.
ചൈനയെ വിമർശിച്ച് രാഹുൽ ഗാന്ധി, നിരവധി അവസരങ്ങളിൽ പ്രസ്താവനകൾ നടത്തിയിട്ടുണ്ട്. പ്രധാനമന്ത്രി മോദിയുടെ നയങ്ങൾ ചൈനയെ ബാധിക്കുന്നില്ല എന്നതാണ് അദ്ദേഹത്തിന്റെ സ്ഥിരമായ വാദം. എന്നാൽ ഇത്തവണ, അദ്ദേഹം പറഞ്ഞ “ചൈന 2,000 കിമീ ഭൂമി പിടിച്ചെടുത്തുവെന്ന്” ഉറപ്പാക്കാൻ ആധികാരിക തെളിവ് ആവശ്യപ്പെട്ട് ഇന്ത്യയുടെ ഉച്ച കോടതി നേരിട്ട് ഇടപെട്ടത് ശ്രദ്ധേയമാണ്.
