കൊച്ചി :മഞ്ഞുമ്മല് ബോയ്സ് സാമ്പത്തിക തട്ടിപ്പ് കേസിൽ സൗബിന് ഷാഹിര്, ബാബു ഷാഹിര്, ഷോണ് ആന്റണി എന്നിവര്ക്ക് മുന്കൂര് ജാമ്യം. മൂന്ന് പ്രതികളെയും കസ്റ്റഡിയിലെടുത്തുള്ള ചോദ്യം ചെയ്യല് ആവശ്യമില്ലെന്ന് ഹൈക്കോടതി. ജൂലൈ ഏഴിന് അന്വേഷണ സംഘത്തിന് മുന്നില് പ്രതികള് ഹാജരാകണമെന്നും സിംഗിള് ബെഞ്ച് ഉത്തരവിട്ടു.
അറസ്റ്റ് ചെയ്താല് ജാമ്യത്തില് വിട്ടയക്കണമെന്ന് പൊലീസിനോട് ഹൈക്കോടതി അറിയിച്ചു. 40 ശതമാനം ലാഭവിഹിതം വാഗ്ദാനം ചെയ്ത് ഏഴ് കോടി രൂപ തട്ടിയെന്നാണ് കേസ്. മരട് പൊലീസ് രജിസ്റ്റര് ചെയ്ത കേസിലാണ് മുന്കൂര് ജാമ്യം അനുവദിച്ചത്.
