തിരുവനന്തപുരം: തുടർച്ചയായ രണ്ടാം ദിവസും സ്വർണവിലയിൽ കുറവ് രേഖപ്പെടുത്തി. കേരളത്തിൽ ഇന്ന് ഒരു പവൻ സ്വർണത്തിന് 400 രൂപ കുറഞ്ഞ് 73280 രൂപയായി. ഗ്രാമിന് 50 രൂപ താഴ്ന്ന് 9168 ൽ എത്തി. ഈമാസം 18 നും പവന് 73280 രൂപയായിരുന്നു.
22 കാരറ്റ് സ്വർണ്ണം ഗ്രാമിന് 50 രൂപ കുറഞ്ഞു 9160 രൂപയും 18 കാരറ്റ് സ്വർണം ഗ്രാമിന് 40 രൂപ കുറഞ്ഞ് 7525 രൂപയുമായി. 4 കാരറ്റ് സ്വർണ്ണം ഗ്രാമിന് 5555 രൂപയാണ്. 9 കാരറ്റ് സ്വർണ്ണത്തിനു ഇന്ന് ഗ്രാമിന് 3775 രൂപയായി. ഈ മാസം രേഖപ്പെടുത്തിയ ഏറ്റവും കുറഞ്ഞ പവൻ വില 72,000 രൂപയും കൂടിയത് 75040 രൂപയുമായിരുന്നു.
നിലവിലെ കണക്കു പ്രകാരം ഏറ്റവും കുറഞ്ഞ പണിക്കൂലിയിൽ ആഭരണം വാങ്ങുന്നവർക്ക് പവന് 79000 വരെ ചെലവ് പ്രതീക്ഷിക്കാം. കാരറ്റ് മൂല്യം കുറയും തോറും കുറഞ്ഞ വിലയിൽ സ്വർണ്ണം വാങ്ങാൻ സാധിക്കും. 24, 22 കാരറ്റിനേക്കാൾ വിലക്കുറവാണ് 18, 14, 9 കാരറ്റുകൾക്ക്.
ആഭരണമായി വാങ്ങുന്നവർക്ക് കുറഞ്ഞ കാരറ്റിൽ വാങ്ങുന്നത് ലാഭകരമാണ്. എന്നാൽ സമ്പാദ്യമായോ വരുമാനമാർഗ്ഗമായോ കണക്കാക്കുന്നവർക്ക് 24 കാരറ്റ് ആണ് നല്ലത്. വിവാഹ ആവശ്യങ്ങൾക്ക് പോലും കുറഞ്ഞ കാരറ്റിൽ ആഭരണങ്ങൾ വാങ്ങുന്നത് ട്രെൻഡായി മാറിയിരിക്കുന്നു.
