ലോകകപ്പ് ക്രിക്കറ്റില്‍ ഇന്ത്യയും പാക്കിസ്ഥാനും ഈ വര്‍ഷം ഒക്ടോബറില്‍ ഏറ്റുമുട്ടും. വനിതാ ഏകദിന ലോകകപ്പില്‍ ഒക്ടോബര്‍ 5 ന് കൊളംബോയിലെ ആര്‍ പ്രേമദാസ സ്റ്റേഡിയത്തിലാണ് മത്സരം. ഇരു രാജ്യങ്ങളും തമ്മിലുള്ള രാഷ്ട്രീയ ബന്ധങ്ങള്‍ വഷളായതിനാല്‍ പാകിസ്ഥാന്‍ അവരുടെ എല്ലാ മത്സരങ്ങളും ഇന്ത്യയ്ക്ക് പകരം നിഷ്പക്ഷ വേദിയിലായിരിക്കും കളിക്കുക.
വനിതാ ഏകദിന ലോകകപ്പ് സെപ്റ്റംബര്‍ 30 ന് ബെംഗളൂരുവിലെ എം ചിന്നസ്വാമി സ്റ്റേഡിയത്തില്‍ ഇന്ത്യയും ശ്രീലങ്കയും തമ്മിലുള്ള ആവേശകരമായ പോരാട്ടത്തോടെയാണ് ആരംഭിക്കുന്നത്. ബംഗ്ലാദേശിനെതിരായ ഇന്ത്യയുടെ മത്സരം ഒക്ടോബര്‍ 26 ന് ബെംഗളൂരുവില്‍ നടക്കും.നിലവിലെ ചാമ്പ്യന്മാരായ ഓസ്‌ട്രേലിയ ഒക്ടോബര്‍ 1 ന് ഇന്‍ഡോറിലെ ഹോള്‍ക്കര്‍ സ്റ്റേഡിയത്തില്‍ ന്യൂസിലന്‍ഡിനെതിരെയാണ് തങ്ങളുടെ പോരാട്ടം ആരംഭിക്കുന്നത്. ഓസ്‌ട്രേലിയയും ഇംഗ്ലണ്ടും തമ്മിലുളള മത്സരംഇന്‍ഡോറില്‍ ഒക്ടോബര്‍ 22 ന് നടക്കും.ബംഗ്ലാദേശ് (ഒക്ടോബര്‍ 2), ഇംഗ്ലണ്ട് (ഒക്ടോബര്‍ 15), ന്യൂസിലന്‍ഡ് (ഒക്ടോബര്‍ 18), ദക്ഷിണാഫ്രിക്ക (ഒക്ടോബര്‍ 21), ശ്രീലങ്ക (ഒക്ടോബര്‍ 24) എന്നിങ്ങനെയാണ് നേരിടുക.ഇംഗ്ലണ്ടിന്റെ മറ്റ് മത്സരങ്ങളില്‍ ബെംഗളൂരുവില്‍ ദക്ഷിണാഫ്രിക്കയ്‌ക്കെതിരെ (ഒക്ടോബര്‍ 3), ശ്രീലങ്കയ്‌ക്കെതിരെ (ഒക്ടോബര്‍ 11), ഗുവാഹത്തിയിലെ എസിഎ സ്റ്റേഡിയത്തില്‍ ന്യൂസിലന്‍ഡ് (ഒക്ടോബര്‍ 26) എന്നിവയും ഉള്‍പ്പെടുന്നു.
പാകിസ്ഥാനെതിരെ പോരാട്ടത്തിന് തുടക്കം കുറിക്കുന്ന ബംഗ്ലാദേശ്, വിശാഖപട്ടണത്തെ എസിഎ-വിഡിസിഎ സ്റ്റേഡിയത്തില്‍ മൂന്ന് മത്സരങ്ങള്‍ കൂടി കളിക്കും. കൊളംബോയില്‍ (ഒക്ടോബര്‍ 20) ശ്രീലങ്കയ്‌ക്കെതിരെയും അവര്‍ കളിക്കും. അതേസമയം, ഇന്‍ഡോറില്‍ ന്യൂസിലന്‍ഡിനും (ഒക്ടോബര്‍ 6) ഓസ്‌ട്രേലിയക്കും (ഒക്ടോബര്‍ 25) എതിരായി ദക്ഷിണാഫ്രിക്ക കളിക്കും.
ടൂര്‍ണമെന്റിന്റെ 13-ാം എഡിഷന്‍ സെപ്റ്റംബര്‍ 30 മുതല്‍ നവംബര്‍ 2 വരെ നടക്കും, എട്ട് ടീമുകള്‍ പങ്കെടുക്കുന്ന മാര്‍ക്വീ ഇവന്റിനായി ഇന്ത്യയിലും ശ്രീലങ്കയിലുമായി അഞ്ച് വേദികള്‍ തിരഞ്ഞെടുക്കപ്പെടും. എം ചിന്നസ്വാമി സ്റ്റേഡിയം (ബെംഗളൂരു), എസിഎ സ്റ്റേഡിയം (ഗുവാഹത്തി), ഹോള്‍ക്കര്‍ സ്റ്റേഡിയം (ഇന്‍ഡോര്‍), എസിഎ-വിഡിസിഎ സ്റ്റേഡിയം (വിശാഖപട്ടണം), ആര്‍. പ്രേംദാസ സ്റ്റേഡിയം (കൊളംബോ) എന്നിവയാണ് വേദികള്‍.വനിതാ ലോകകപ്പില്‍ കിരീടത്തിനായി എട്ട് ടീമുകള്‍ മത്സരിക്കും: ഇന്ത്യ, ഓസ്‌ട്രേലിയ, ഇംഗ്ലണ്ട്, ദക്ഷിണാഫ്രിക്ക, ന്യൂസിലാന്‍ഡ്, ശ്രീലങ്ക, ബംഗ്ലാദേശ്, പാകിസ്ഥാന്‍.
ഒക്ടോബര്‍ 29 ന് ആദ്യ സെമി ഫൈനല്‍ ഗുവാഹത്തിയിലോ കൊളംബോയിലോ നടക്കും, രണ്ടാമത്തെ സെമി ഫൈനല്‍ അടുത്ത ദിവസം, ഒക്ടോബര്‍ 30 ന് ബെംഗളൂരുവില്‍ നടക്കും. കിരീട നിര്‍ണയ മത്സരത്തിനായി തയ്യാറെടുക്കാന്‍ രണ്ട് ഫൈനലിസ്റ്റുകള്‍ക്കും കുറഞ്ഞത് രണ്ട് ദിവസമെങ്കിലും ലഭിക്കും, മത്സരത്തിന്റെ ഫൈനല്‍ നവംബര്‍ 2 ന് ബെംഗളൂരുവിലോ കൊളംബോയിലോ ആയിരിക്കും. ഏപ്രിലില്‍ ഐസിസി വനിതാ ഏകദിന ലോകകപ്പ് യോഗ്യതാ മത്സരത്തില്‍ തോല്‍വിയറിയാതെ തുടരുന്നതിലൂടെ പാകിസ്ഥാന്‍ വനിതാ ടീം മാര്‍ക്വീ ഇവന്റില്‍ സ്ഥാനം ഉറപ്പിച്ചുകഴിഞ്ഞു.
വനിതാ ലോകകപ്പില്‍ ഇന്ത്യാ-പാക്ക് പോരാട്ടം
