സംസ്ഥാനത്ത് വിവിധ ജില്ലകളില് കനത്തമഴ തുടരുന്ന സാഹചര്യത്തില് എറണാകുളം, കോട്ടയം, തൃശ്ശൂര്, ഇടുക്കി, വയനാട്, പാലക്കാട്, പത്തനംതിട്ട ജില്ലകളിലെ വിദ്യാഭ്യാസ സ്ഥാപനങ്ങള്ക്കും മലപ്പുറം ജില്ലയിലെ നിലമ്പൂര് താലൂക്കിലെ സ്കൂളുകള്ക്കും അവധി പ്രഖ്യാപിച്ചു. വ്യാഴാഴ്ച ഇടുക്കി, മലപ്പുറം, വയനാട് ജില്ലകളില് റെഡ് അലേര്ട്ടാണ് പ്രഖ്യാപിച്ചിട്ടുള്ളത്. പത്തനംതിട്ട, കോട്ടയം, എറണാകുളം, തൃശൂര്, പാലക്കാട്, കോഴിക്കോട്, കണ്ണൂര് ജില്ലകളില് ഓറഞ്ച് അലേര്ട്ടുമുണ്ട്.
കേരളത്തില് അടുത്ത അഞ്ചുദിവസം മഴയ്ക്ക് സാധ്യതയുണ്ട്. വ്യാഴാഴ്ച ഒറ്റപ്പെട്ട അതിതീവ്രമായ മഴയ്ക്കും ജൂണ് 26 മുതല് 28 വരെ ഒറ്റപ്പെട്ട അതിശക്തമായ മഴയ്ക്കും ജൂണ് 26 മുതല് 29 വരെ ഒറ്റപ്പെട്ട ശക്തമായ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. ജൂണ് 26, 27 തീയതികളില് കേരളത്തിന് മുകളില് മണിക്കൂറില് പരമാവധി 50 മുതല് 60 കിലോമീറ്റര് വരെ വേഗതയില് കാറ്റുവീശാനും സാധ്യതയുണ്ട്.
ശക്തമായ കാറ്റും മഴയും കണക്കിലെടുത്ത് എറണാകുളം ജില്ലയിലെ പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും വെള്ളിയാഴ്ച അവധി പ്രഖ്യാപിക്കുന്നതായി ജില്ലാ കളക്ടര് അറിയിച്ചു. അങ്കണവാടികള്ക്കും ട്യൂഷന് സെന്ററുകള്ക്കും അവധി ബാധകമാണ്. എറണാകുളം ജില്ലയില് ഓറഞ്ച് അലര്ട്ടാണ് പ്രഖ്യാപിച്ചിട്ടുള്ളത്.
മഴ തുടരുന്നതിനാലും അതിശക്തമായ മഴ സാധ്യതാ മുന്നറിയിപ്പ് ലഭിച്ചിട്ടുള്ളതിനാലും കോട്ടയം ജില്ലയിലെ പ്രൊഫഷണല് കോളജുകള്, അങ്കണവാടികള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും വെള്ളിയാഴ്ച ജില്ലാ കളക്ടര് ജോണ് വി. സാമുവല് അവധി പ്രഖ്യാപിച്ചു. മുന് നിശ്ചയിച്ച പരീക്ഷകള്ക്ക് അവധി ബാധകമല്ല. അതിശക്തമായ മഴ തുടരുന്നതിനാല് ജില്ലയിലെ എല്ലാ വിധ ഖനന പ്രവര്ത്തനങ്ങളും ജൂണ് 30 വരെ നിരോധിച്ചിട്ടുണ്ട്.
തൃശ്ശൂര് ജില്ലയില് ഓറഞ്ച് അലര്ട്ട് പ്രഖ്യാപിക്കുകയും ശക്തമായ മഴ തുടരുകയും ചെയ്യുന്ന സാഹചര്യത്തില് മുന്കരുതല് നടപടിയുടെ ഭാഗമായി നാളെ ജില്ലയിലെ പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും കളക്ടര് അവധി പ്രഖ്യാപിച്ചു. സിബിഎസ്സി, ഐസിഎസ് സി, കേന്ദ്രീയ വിദ്യാലയം, അങ്കണവാടികള്, മദ്രസകള്, ട്യൂഷന് സെന്ററുകള്, ട്രെയിനിങ് ഇന്സ്റ്റിറ്റ്യൂട്ടുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധി ബാധകമാണ്. മുന്കൂട്ടി നിശ്ചയിച്ച പരീക്ഷകള്ക്കും അഭിമുഖങ്ങള്ക്കും മാറ്റം ഉണ്ടായിരിക്കില്ല.
കനത്തമഴയെ തുടര്ന്ന് ഇടുക്കി ജില്ലയിലെ റെസിഡന്ഷ്യല് സ്ഥാപനങ്ങള് ഒഴികെ മറ്റെല്ലാ വിദ്യാഭ്യാസ സ്ഥാപനങ്ങള്ക്കും വെള്ളിയാഴ്ച അവധിയായിരിക്കുമെന്ന് കളക്ടര് അറിയിച്ചു. അംഗനവാടികള്, സര്ക്കാര്-എയ്ഡഡ് വിദ്യാഭ്യാസ സ്ഥാപനങ്ങള്, സ്വകാര്യ വിദ്യാലയങ്ങള്, കേന്ദ്രീയ വിദ്യാലയങ്ങള്, എല്ലാ കോളേജുകളും (പ്രൊഫഷണല് കോളേജുകള് ഉള്പ്പെടെ) അവധിയായിരിക്കും.
വയനാട് ജില്ലയില് ശക്തമായ മഴ തുടരുന്ന സാഹചര്യത്തില് ജില്ലയിലെ പ്രൊഫഷണല് കോളേജുകള് ഉള്പ്പെടെയുള്ള, എല്ലാ വിദ്യാഭ്യാസ സ്ഥാപനങ്ങള്ക്കും വെള്ളിയാഴ്ച ജില്ലാ കളക്റ്റര് ഡി. ആര് മേഘശ്രീ അവധി പ്രഖ്യാപിച്ചു. മദ്രസ്സകള്ക്കും അംഗന്വാടികള്ക്കും അവധി ബാധകമാണ്. റസിഡന്ഷ്യല് വിദ്യാഭ്യാസ സ്ഥാപനങ്ങള്ക്കും മുന്കൂട്ടി നിശ്ചയിച്ച പരീക്ഷകള്ക്കും അവധി ബാധകമല്ല.
അംഗണവാടികള്, നഴ്സറികള്, കേന്ദ്രീയ വിദ്യാലയങ്ങള്, സിബിഎസ്ഇ, ഐസിഎസ്ഇ സ്കൂളുകള്, ട്യൂഷന് സെന്ററുകള്, മദ്രസ ഉള്പ്പെടെയുള്ള വിദ്യാഭ്യാസ സ്ഥാപനങ്ങള് എന്നിവയ്ക്ക് വെള്ളിയാഴ്ച അവധിയാണെന്ന് പാലക്കാട് ജില്ലാ കളക്ടര് അറിയിച്ചു. പ്രൊഫഷണല് കോളേജുകള് ഉള്പ്പെടെയുള്ള കോളേജുകള്ക്ക് അവധി ബാധകമല്ല. മുന്കൂട്ടി നിശ്ചയിച്ച പരീക്ഷകള്ക്കും അഭിമുഖങ്ങള്ക്കും മാറ്റം ഉണ്ടായിരിക്കില്ല.
അംഗണവാടികള്, സ്കൂളുകള്, പ്രൊഫഷണല് കോളേജുകള്, ട്യൂഷന് സെന്ററുകള് ഉള്പ്പെടെ മുഴുവന് വിദ്യാഭ്യാസ സ്ഥാപനങ്ങള്ക്കും വെള്ളിയാഴ്ച അവധിയായിരിക്കുമെന്ന് പത്തനംതിട്ട ജില്ലാ കളക്ടര് അറിയിച്ചു.
ശക്തമായ മഴ തുടരുന്ന സാഹചര്യത്തില് മലപ്പുറം ജില്ലയിലെ നിലമ്പൂര് താലൂക്കിലെ ഹയര് സെക്കന്ഡറി ഉള്പ്പെടെ മുഴുവന് സ്കൂളുകള്ക്കും ബഡ്സ് സ്കൂളുകള്ക്കും അങ്കണവാടികള്ക്കും മദ്റസകള്ക്കും ജൂണ് 27-ന് ജില്ലാ കളക്ടര് വി.ആര് വിനോദ് അവധി പ്രഖ്യാപിച്ചു. പരീക്ഷകള്ക്കും റസിഡന്ഷ്യല് സ്ഥാപനങ്ങള്ക്കും അവധി ബാധകമല്ല.
അതിതീവ്ര മഴ തുടരുന്നു, മൂന്നു ജില്ലകളില് റെഡ് അലര്ട്ട്, ഏഴ് ജില്ലകളില് അവധി പ്രഖ്യാപിച്ചു
