ഉച്ച ഭക്ഷണത്തിനുശേഷം ചെറുതായി മയക്കം തോന്നുന്നത് സാധാരണയാണ്. എന്നാൽ, അമിതമായ ക്ഷീണം തോന്നുന്നുവെങ്കിൽ ശ്രദ്ധിക്കണം. ഇത് പല കാരണങ്ങൾ കൊണ്ടുണ്ടാകാം. ഭക്ഷണത്തിന് ശേഷം രക്തത്തിലെ പഞ്ചസാരയുടെ അളവ് കൂടുകയും പിന്നീട് കുറയുകയും ചെയ്യുന്നതാണ് ഒരു കാരണം. കൂടാതെ, ദഹനത്തിന് കൂടുതൽ ഊർജ്ജം ആവശ്യമുള്ളതിനാലും ക്ഷീണം അനുഭവപ്പെടാം. തെറ്റായ ഭക്ഷണങ്ങള്‍, അമിതമായ അളവിലുള്ള ഭക്ഷണം, ശരീരത്തിന്റെ സര്‍കാഡിയന്‍ റിഥത്തിലുള്ള മാറ്റങ്ങള്‍ എന്നിവയാണ്‌ ഉച്ചഭക്ഷണത്തിന് ശേഷമുള്ള അമിതമായ ക്ഷീണത്തിന്റെ മറ്റു പ്രധാന കാരണങ്ങൾ.
ഉച്ച ഭക്ഷണത്തിൽ കൊഴുപ്പും റിഫൈന്‍ ചെയ്‌ത കാര്‍ബോഹൈഡ്രേറ്റും ഫൈബറും കുറഞ്ഞിരിക്കുന്നത് അമിതമായ ക്ഷീണത്തിലേക്ക്‌ നയിക്കാം. മധുരം അധിക മായി കഴിക്കുന്നതും ക്ഷീണത്തിന് ഇടയാക്കും. ഈ രീതിയിൽ ഭക്ഷണം കഴിക്കുമ്പോൾ അവ ദഹിപ്പിക്കാൻ ശരീരത്തിന് കൂടുതൽ അധ്വാനം ചെയ്യേണ്ടി വരുന്നു. ഇത് തലച്ചോര്‍ ഉള്‍പ്പെടെയുള്ള ഭാഗങ്ങളിലേക്കുള്ള രക്തത്തിന്റെയും ഓക്‌സിജന്റെയും വിതരണത്തെ കുറയ്‌ക്കും. ഇത് ഉറക്കത്തിന് കാരണമായേക്കും. അരി, ചിക്കന്‍, ഗോതമ്പ്‌, ഉരുളക്കിഴങ്ങ്‌, പഞ്ചസാര, ബേക്ക്‌ ചെയ്‌ത ഭക്ഷണങ്ങള്‍ എന്നിവയെല്ലാം ഉറക്കത്തിന്റെ കാരണമാണ്.
ഉയര്‍ന്ന അളവിൽ കാര്‍ബോഹൈഡ്രേറ്റ് അടങ്ങിയ ഭക്ഷണം കഴിച്ചാൽ രക്തത്തിലെ പഞ്ചസാരയുടെ അളവ് പെട്ടെന്ന് കൂടുകയും പിന്നീട് കുറയുകയും ചെയ്യും. ഇത് ക്ഷീണത്തിന് കാരണമാകും. ദഹനത്തിന് ശരീരത്തിന് കൂടുതൽ ഊർജ്ജം ആവശ്യമുണ്ട്. ഇത് ക്ഷീണത്തിന് കാരണമാകും. ശരീരത്തിൽ ജലാംശം കുറഞ്ഞാലും ക്ഷീണം അനുഭവപ്പെടാം. ചില ആളുകൾക്ക് വിഷാദവും ഉത്കണ്ഠയും കാരണം ഉച്ചഭക്ഷണത്തിന് ശേഷം ക്ഷീണം അനുഭവപ്പെടാം. ചില മരുന്നുകൾ കഴിക്കുന്നതിലൂടെയും ക്ഷീണം അനുഭവപ്പെടാം.
പരിഹാര മാർഗം
സന്തുലിതമായ ഭക്ഷണക്രമമാണ്‌ ഉച്ചഭക്ഷണത്തിന് ശേഷമുള്ള ക്ഷീണം അകറ്റാനുള്ള പരിഹാരം. ലഘുവായ വ്യായാമം ചെയ്യുക, സമീകൃതാഹാരം കഴിക്കുക, ധാരാളം വെള്ളം കുടിക്കുക തുടങ്ങിയ കാര്യങ്ങൾ ശ്രദ്ധിക്കുക. ലീന്‍ പ്രോട്ടീനുകള്‍, ആരോഗ്യകരമായ കൊഴുപ്പുകള്‍, ഫൈബര്‍ നിറയെ അടങ്ങിയ പച്ചക്കറികള്‍ ഉച്ചഭക്ഷണത്തിൽ ഉൾപ്പെടുത്തുക. രക്തത്തിലെ പഞ്ചസാരയുടെ അളവ് നിയന്ത്രിച്ച് നിർത്തുക. പ്രഭാതഭക്ഷണത്തിൽ പ്രോട്ടീൻ കൂടുതലായി ഉൾപ്പെടുത്തുക. ഉച്ചഭക്ഷണശേഷം നടക്കുന്നതും രാത്രിയില്‍ നന്നായി ഉറങ്ങുന്നതും മഗ്നീഷ്യം സപ്ലിമെന്റുകള്‍ കഴിക്കുന്നതും നല്ലതാണ്. യോഗ, ധ്യാനം തുടങ്ങിയ കാര്യങ്ങൾ പരിശീലിക്കുക. ഇവയെല്ലാം ചെയ്തിട്ടും ക്ഷീണം മാറിയില്ലെങ്കിൽ ഒരു ഡോക്ടറെ കാണുക.
