എറണാകുളം :എറണാകുളം ചെല്ലാനത്ത് സ്വകാര്യ ബസില്‍ നിന്ന് ചാടിയ പതിനാറുകാരന് ദാരുണ മരണം. ചെല്ലാനം സ്വദേശി പവന്‍ സുമോദാണ് മരിച്ചത്. അപകടത്തിന്റെ സിസിടിവി ദൃശ്യങ്ങള്‍ പുറത്തു വന്നു. ബസിന്റെ ഡോര്‍ തുറന്നിട്ട് വാഹനം ഓടിച്ചതിന് ഡ്രൈവര്‍ക്കെതിരെ കേസ് രജിസറ്റര്‍ ചെയ്തു.
ആദ്യം തെറിച്ചുവീണെന്നാണ് കരുതിയതെങ്കിലും 16കാരന്‍ ബസില്‍ നിന്ന് ചാടുകയായിരുന്നുവെന്ന് ബസിനുള്ളിലെ സിസിടിവി ദൃശ്യങ്ങളില്‍ നിന്ന് വ്യക്തമായി. ബസില്‍ നിന്ന് ചാടിയ കുട്ടി തലയുടെ പിന്‍ഭാഗം ഇടിച്ചുവീഴുകയായിരുന്നു. ഓട്ടോമേറ്റഡ് ഡോര്‍ ആയിരുന്നു ബസിലെങ്കിലും ഇത് അടക്കാതെയായിരുന്നു ബസ് സഞ്ചരിച്ചത്. ഇതിനിടെയാണ് കുട്ടി ഓടിക്കൊണ്ടിരുന്ന ബസില്‍ നിന്ന് പുറത്തേക്ക് ചാടിയത്.
എന്തിനാണ് കുട്ടി ചാടിയതെന്ന് വ്യക്തമല്ല.
