കണ്ണൂർ : കൊട്ടിയൂർ ക്ഷേത്രത്തിൽ ദർശനത്തിനെത്തിയ സിനിമാതാരം ജയസൂര്യയുടെ ചിത്രമെടുത്തു എന്നാരോപിച്ചു കൂടെയുള്ളവർ ഫോട്ടോഗ്രാഫറെ മർദിച്ചെന്ന് പരാതി. ദേവസ്വം ഫോട്ടോഗ്രാഫർ സജീവ് നായർക്കാണ് മർദനം ഏറ്റത്. ജയസൂര്യക്ക് ഒപ്പമുണ്ടായിരുന്നവർ ഫോട്ടോയെടുക്കുന്നത് തടഞ്ഞ് മർദിച്ചെന്നാണ് പരാതി.
ക്ഷേത്രത്തിലെ ഔദ്യോഗിക ചടങ്ങുകളുടെ ദൃശ്യങ്ങൾ പകർത്താൻ ദേവസ്വം ബോർഡ് നിയമിച്ചയാളാണ് സജീവ് നായർ.ഫോട്ടോ എടുക്കുന്നത് തടഞ്ഞ ജയസൂര്യയുടെ ഒപ്പമുണ്ടായിരുന്നവർ ദേവസ്വം ഓഫീസിൽ തിരിച്ചെത്തിയ സജീവിന്റെ മർദ്ദിക്കുകയായിരുന്നു.. ദേവസ്വം ഫോട്ടോഗ്രാഫർ ആണെന്ന് പറഞ്ഞിട്ടും മർദിച്ചെന്നാണ് ആരോപണം. കേളകം പൊലീസിൽ സജീവ് പരാതി നൽകി.
