കാസർഗോഡ് :കാസർഗോഡ് ബന്തടുക്ക സരസ്വതി വിദ്യാലയത്തിൽ ഗുരു പൂർണിമ എന്ന പേരിൽ വിദ്യാർഥികളെക്കൊണ്ട് അധ്യാപകരുടെ പാദസേവ ചെയ്യിച്ച സംഭവത്തിൽ മന്ത്രി വി. ശിവൻകുട്ടി റിപ്പോർട്ട് തേടി. കുട്ടികളെക്കൊണ്ട് കാലുകഴുകിക്കുന്നത് കേരളത്തിന്റെ സംസ്കാരമല്ലെന്നും മന്ത്രി പറഞ്ഞു.
കാസർഗോഡ് സംഭവത്തിന് പിന്നാലെ കണ്ണൂരിലും ആലപ്പുഴയിലും ഗുരുപൂജ നടന്നു. കണ്ണൂർ ശ്രീകണ്ഠപുരം വിവേകാനന്ദ വിദ്യാ പീഠത്തിലാണ് കാൽകഴുകൽ നടന്നത്. പൂർവ അധ്യാപകന്റെ കാൽ നിലവിലെ അധ്യാപകർ കഴുകുകയാണുണ്ടായത്. തുടർന്ന് വിദ്യാർഥികളെക്കൊണ്ട് പാദപൂജ ചെയ്യിച്ചുവെന്നാണ് പരാതി.
ഗുരുപൂർണ്ണിമാഘോഷത്തിന്‍റെ പേരിലാണ് കുട്ടികളെ കൊണ്ട് അധ്യാപകന്റെ പാദസേവ ചെയ്യിച്ചത് എന്നാണ് വിവരം.
ആലപ്പുഴയിൽ നൂറനാട്ടാണ് പാദപൂജ നടത്തിയത് .അധ്യാപകർക്ക് പുറമേ ബി ജെ പി നേതാവിനും പാദപൂജ ചെയ്തതായി റിപ്പോർട്ട് .ബി ജെ പി ആലപ്പുഴ ജില്ലാ സെക്രട്ടറി അനൂപിന്റെ പാദപൂജ ചെയ്യുന്ന ചിത്രമാണ് പുറത്തു വന്നത്.നൂറനാട് പഞ്ചായത്ത് അംഗം കൂടിയാണ് ബി ജെ പി നേതാവായ അനൂപ് ഇന്നലെ ഇടപ്പോൺ ആറ്റുവ വിവേകാനന്ദ വിദ്യാപീഠം സ്കൂളിലാണ് ചടങ്ങ് നടന്നത്.
.
