ഡൽഹി :ഡൽഹിയിൽ വീണ്ടും ഭൂചലനം. റിക്ടർ സ്കെയിലിൽ 3.7 തീവ്രത രേഖപ്പെടുത്തിയ ഭൂചലനത്തിന്റെ പ്രഭവ കേന്ദ്രം ഡൽഹി നഗരത്തിൽ നിന്നും 60 കിലോമീറ്റർ അകലെയുള്ള ഹരിയാനയിലെ ജജ്ജറാണ്.കഴിഞ്ഞദിവസം രാവിലെ ഡൽഹിയിൽ 4.4 തീവ്രത രേഖപ്പെടുത്തിയ ഭൂചലനം അനുഭവപ്പെട്ടിരുന്നു. ഇതിന്റെയും പ്രഭവ കേന്ദ്രം ജജ്ജറായിരുന്നു.
തുടർച്ചയായി ഉണ്ടായ ഭൂചലനങ്ങൾ ഡൽഹി നിവാസികളെ പരിഭ്രാന്തിയിലാക്കിയിരിക്കുകയാണ്. ഭൂചലനത്തിൽ ഡൽഹി എൻ സി ആർ മേഖലകളിൽ നേരിയ പ്രകമ്പനം അനുഭവപ്പെട്ടു. ആളപായമോ നഷ്ടങ്ങളോ എവിടെയും റിപ്പോർട്ട് ചെയ്തിട്ടില്ല.
