ഡൽഹി : മെഡിക്കൽ കോളേജുകൾക്കും ഫാർമസി കോളേജുകൾക്കും അംഗീകാരം നൽകുന്നതിൽ ക്രമക്കേട് നടന്നുവെന്ന കണ്ടെത്തലിനെ തുടർന്നാണ് നടപടി. റെയ്ഡിൽ 50 ലക്ഷം രൂപയോളം കണ്ടെത്തി . കർണാടക, രാജസ്ഥാൻ, ഛത്തീസ്ഗഡ്, ഉത്തർപ്രദേശ്, ഡൽഹി, മധ്യപ്രദേശ്, ഗുജറാത്ത് എന്നീ സംസ്ഥാനങ്ങളിലെ കോളേജുകളിലാണ് റെയ്‌ഡ് നടന്നത്. 1300 കോടി രൂപയുടെ അഴിമതി നടന്നതായി സിബിഐ കണ്ടെത്തി. ഉദ്യോഗസ്ഥർ അടക്കം 36 പേർക്കെതിരെ എഫ്ഐആർ രജിസ്റ്റർ ചെയ്തു.
റായ്പൂരിലെ റാവത്പുര സർക്കാർ മെഡിക്കൽ കോളേജിന് അംഗീകാരം ലഭിക്കുന്നതിന് ഒരു സംഘം പ്രവർത്തിച്ചതായി റിപ്പോർട്ട് .ഈ സംഘം രാജ്യത്തെ 40-ൽ അധികം കോളേജുകളുമായി ബന്ധപ്പെട്ടിരിക്കുന്നു. വ്യാജ അംഗീകാരത്തിനായി മൂന്ന് മുതൽ അഞ്ച് കോടി രൂപ വരെ കൈക്കൂലി വാങ്ങിയതായും വിവരമുണ്ട്. ഇത്തരം കോളേജുകൾ വർഷം തോറും ആയിരക്കണക്കിന് ഡോക്ടർമാരെ പുറത്താക്കുന്നുവെന്നും അത്തരം വിദ്യാർത്ഥികൾ വൈദ്യശാസ്ത്ര ബിരുദം നേടുന്നതിന് കോടിക്കണക്കിന് രൂപ നൽകുന്നുവെന്നുമാണ് റിപ്പോർട്ട്.
