ചോക്ലേറ്റ് വാങ്ങാന്‍ പണംചോദിച്ച നാലുവയസ്സുകാരിയെ കൊലപ്പെടുത്തിയ കേസില്‍ കുട്ടിയുടെ അച്ഛന്‍ അറസ്റ്റില്‍.. മഹാരാഷ്ട്ര ലാത്തൂരില്‍ ഞായറാഴ്ച രാത്രിയാണ് കൊലപാതകം നടന്നത്. ബാലാജി റാത്തോഡ് എന്നയാളാള്‍ മകള്‍ ആരുഷിയെ കൊലപ്പെടുത്തിയ കേസിലാണ് അറസ്റ്റിലയാത്
ചോക്ലേറ്റ് വാങ്ങാന്‍ പണം ചോദിച്ചതില്‍ ദേഷ്യപ്പെട്ട ബാലാജി മുറിയിലുണ്ടായിരുന്ന സാരി കഴുത്തില്‍ കുരുക്കി മകളെ കൊലപ്പെടുത്തുകയായിരുന്നെന്നാണ് കേസ്. ബാലാജി മദ്യത്തിന് അടിമയായിരുന്നെന്നും കുടുംബത്തില്‍ പതിവായി വഴക്കുണ്ടാക്കുമായിരുന്നുവെന്നും പോലീസ് പറയുന്നു
ഭാര്യയുമായി പിരിഞ്ഞു താമസിക്കുന്ന ഇയാള്‍ക്കൊപ്പം മകള്‍ ആരുഷി മാത്രമാണ് കൊലപാതകം നടക്കുന്ന സമയത്ത് ഉണ്ടായിരുന്നത്. ഭാര്യ വര്‍ഷ നല്‍കിയ പരാതിയില്‍ പോലീസ് എഫ്‌ഐആര്‍ രജിസ്റ്റര്‍ ചെയ്ത് ഇയാളെ അറസ്റ്റ് ചെയ്തു. കൂടുതല്‍ അന്വേഷണം നടന്നുവരികയാണ്. മകളെ കൊലപ്പെടുത്തിയ പിതാവിന് പരമാവധി ശിക്ഷ നല്‍കണമെന്ന് കുടുംബം ആവശ്യപ്പെട്ടു.
ചോക്ലേറ്റ് വേണമെന്ന് വാശിപിടിച്ച കുഞ്ഞിനെ കൊലപ്പെടുത്തിയ അച്ഛന്‍ അറസ്റ്റില്‍
