പുതുതായി ജോലിയിൽ ചേർന്നയാളാണോ? വ്യക്തിഗത വായ്പയ്‌ക്കോ ക്രെഡിറ്റ് കാർഡിനോ അപേക്ഷിക്കുകയും ക്രെഡിറ്റ് സ്കോർ ഇല്ലാത്തതിനാൽ നിരസിക്കപ്പെടുകയും ചെയ്‌തിട്ടുണ്ടോ?. പുതുതായി ജോലിയിൽ ചേർന്ന വ്യക്തികൾക്ക്, ക്രെഡിറ്റ് സ്കോർ ഇല്ലാത്തത് വായ്പയും ക്രെഡിറ്റ് കാർഡും ലഭിക്കുന്നതിന് ബുദ്ധിമുട്ടുണ്ടാക്കും. ഇത്തരക്കാർക്ക് അവരുടെ ക്രെഡിറ്റ് സ്കോറും പ്രൊഫൈലും മെച്ചപ്പെടുത്തുന്നതിന് ചില വഴികളുണ്ട്.
- ശമ്പള അക്കൗണ്ടിനെ അടിസ്ഥാനമാക്കി ഒരു ക്രെഡിറ്റ് കാർഡ് എടുക്കുക
നിങ്ങൾക്ക് ക്രെഡിറ്റ് സ്കോർ ഇല്ലെങ്കിലും, വലിയ സ്വകാര്യ ബാങ്കുകളെപ്പോലെയുള്ള ചില ബാങ്കുകൾ നിങ്ങളുടെ സാലറി അക്കൗണ്ടിനെ അടിസ്ഥാനമാക്കി ഒരു ക്രെഡിറ്റ് കാർഡ് നൽകിയേക്കാം. നിങ്ങളുടെ സാലറി അക്കൗണ്ട് ഉള്ള ഒരു ബാങ്കിനെ സമീപിച്ച് ഒരു ക്രെഡിറ്റ് കാർഡിനായി നിങ്ങളുടെ റിലേഷൻഷിപ്പ് മാനേജരുമായി സംസാരിക്കാം.
ചില ബാങ്കുകൾ നിങ്ങളുടെ ആദ്യ ശമ്പളം ക്രെഡിറ്റ് ചെയ്ത ഉടൻ തന്നെ നിങ്ങൾക്ക് ഒരു ക്രെഡിറ്റ് കാർഡ് നൽകിയേക്കാം. മറുവശത്ത്, ചില ബാങ്കുകൾ നിങ്ങളുടെ ചെലവ് രീതികൾ വിലയിരുത്താൻ കുറച്ച് മാസങ്ങൾ കാത്തിരുന്നശേഷം ക്രെഡിറ്റ് കാർഡ് നൽകിയേക്കാം. അത്തരം സാഹചര്യങ്ങളിൽ, നിങ്ങൾക്ക് ഇഷ്ടമുള്ള ഒരു ക്രെഡിറ്റ് കാർഡ് ലഭിച്ചേക്കില്ല, കൂടാതെ ഒരു എൻട്രി ലെവൽ ക്രെഡിറ്റ് കാർഡ് ഉപയോഗിച്ച് പണം കൈകാര്യം ചെയ്യേണ്ടി വന്നേക്കാം. കൂടാതെ, ബാങ്ക് ഒരു ചെറിയ ക്രെഡിറ്റ് പരിധിയായിരിക്കും നിങ്ങൾക്ക് നൽകുക.
ഒരു നിശ്ചിത കാലയളവിൽ, നിങ്ങൾ പതിവായി, കൃത്യസമയത്ത് പേയ്‌മെന്റുകൾ നടത്തുമ്പോൾ, ബാങ്ക് ക്രെഡിറ്റ് പരിധി ഉയർത്തി നൽകും. ഉയർന്ന ക്രെഡിറ്റ് പരിധി നിങ്ങളെ പ്രീമിയം ക്രെഡിറ്റ് കാർഡുകൾക്ക് യോഗ്യരാക്കിയേക്കാം.
- സുരക്ഷിതമായ ക്രെഡിറ്റ് കാർഡ് എടുക്കുക
എപ്പോഴും ഒരു സുരക്ഷിത ക്രെഡിറ്റ് കാർഡ് തിരഞ്ഞെടുക്കുക. ഒരു സ്ഥിര നിക്ഷേപത്തിന്റെ ഈടോടെ വാഗ്ദാനം ചെയ്യുന്നതാണ് ഒരു സുരക്ഷിത ക്രെഡിറ്റ് കാർഡ്. ക്രെഡിറ്റ് കാർഡ് ആക്ടീവാകുന്നതുവരെ നിങ്ങൾക്ക് സ്ഥിര നിക്ഷേപം അവസാനിപ്പിക്കാനും പണം പിൻവലിക്കാനും കഴിയില്ല. ക്രെഡിറ്റ് കാർഡിലെ ക്രെഡിറ്റ് പരിധി സാധാരണയായി സ്ഥിര നിക്ഷേപ തുകയുടെ 75% മുതൽ 100% വരെയാണ്.
ഇതിനായി, ആദ്യം നിങ്ങൾ ക്രെഡിറ്റ് കാർഡ് എടുക്കാൻ ആഗ്രഹിക്കുന്ന ബാങ്കിൽ ഒരു സ്ഥിര നിക്ഷേപം തുറക്കണം. സ്ഥിര നിക്ഷേപം ആരംഭിച്ചു കഴിഞ്ഞാൽ ഒരു ക്രെഡിറ്റ് കാർഡിന് അപേക്ഷിക്കാം. ഒരു നല്ല ക്രെഡിറ്റ് സ്കോർ നേടിയ ശേഷം, യോഗ്യതാ മാനദണ്ഡങ്ങൾ പാലിക്കുന്നുണ്ടെങ്കിൽ, നിങ്ങൾക്ക് ഇഷ്ടമുള്ള ഒരു പ്രീമിയം ക്രെഡിറ്റ് കാർഡിന് അപേക്ഷിക്കാം.
- ഒരു ഇഎംഐ പ്ലാൻ എടുക്കുക
ഇക്കാലത്ത്, മിക്ക ബാങ്കുകളും, എൻബിഎഫ്സികളും, ഫിൻടെക്കുകളും മൊബൈൽ ഫോണുകൾ, ഗാഡ്‌ജെറ്റുകൾ, ഇലക്ട്രോണിക്‌സ്, കൺസ്യൂമർ ഡ്യൂറബിൾസ് തുടങ്ങിയ വിവിധ വാങ്ങലുകൾക്ക് ഇഎംഐ പ്ലാനുകൾ വാഗ്ദാനം ചെയ്യാൻ തയ്യാറാണ്. ചില ധനകാര്യ സ്ഥാപനങ്ങൾ ക്രെഡിറ്റ് സ്കോർ ഇല്ലാതെ പോലും 6-12 മാസത്തെ ഹ്രസ്വകാല ഇഎംഐ പ്ലാനുകൾക്കായി ചെറിയ തുകകൾക്കുള്ള വായ്പകൾ നൽകുന്നു.
ഒരു ഇഎംഐ പ്ലാൻ തിരഞ്ഞെടുത്തു കഴിഞ്ഞാൽ, ഇഎംഐകളുടെ സമയബന്ധിതമായ തിരിച്ചടവ് നിങ്ങളെ ഒരു ക്രെഡിറ്റ് സ്കോറും പ്രൊഫൈലും നിർമ്മിക്കാൻ സഹായിക്കുന്നു. 6-12 മാസത്തിനുള്ളിൽ നിങ്ങൾ ലോൺ തിരിച്ചടവ് പൂർത്തിയാക്കുമ്പോഴേക്കും, നിങ്ങൾക്ക് നല്ലൊരു ക്രെഡിറ്റ് സ്കോർ ലഭിച്ചിരിക്കും. തുടർന്ന് നിങ്ങൾക്ക് കൂടുതൽ വ്യക്തിഗത വായ്പകളും/അല്ലെങ്കിൽ ഉയർന്ന തുകയുടെ മറ്റ് വായ്പകളും ലഭിക്കുന്നതിന് ക്രെഡിറ്റ് സ്കോർ ഉപയോഗിക്കാം, അല്ലെങ്കിൽ ഒരു ക്രെഡിറ്റ് കാർഡിന്(കൾക്ക്) അപേക്ഷിക്കാം.
- ഇപ്പോൾ വാങ്ങി പിന്നീട് പണമടയ്ക്കുക എന്ന സൗകര്യം തേടുക
ചില ഇ-കൊമേഴ്‌സ് പ്ലാറ്റ്‌ഫോമുകൾ ഇപ്പോൾ വാങ്ങുക, പിന്നീട് പണമടയ്ക്കുക (BNPL) എന്ന സൗകര്യം വാഗ്ദാനം ചെയ്യുന്നു. ഉപഭോക്താവിന് ഈ സൗകര്യം ഉപയോഗിക്കാം. അടുത്ത മാസം മുഴുവൻ തുകയും തിരിച്ചടയ്ക്കാം അല്ലെങ്കിൽ സാധാരണയായി 3 മുതൽ 12 മാസം വരെ കാലാവധിയുള്ള ഒരു ഇഎംഐ പ്ലാൻ തിരഞ്ഞെടുക്കാം. നിങ്ങൾ പ്ലാറ്റ്‌ഫോമിൽ പതിവായി ഷോപ്പിങ് നടത്തുന്നുണ്ടെങ്കിൽ, നിങ്ങൾക്ക് ക്രെഡിറ്റ് സ്കോർ ഇല്ലെങ്കിലും അവർ ബിഎൻപിഎൽ സൗകര്യം വാഗ്ദാനം ചെയ്തേക്കാം.
ക്രെഡിറ്റ് സൗകര്യം നൽകുന്ന ബാങ്കുകളുമായും/എൻബിഎഫ്സികളുമായും അവർക്ക് ഒരു സഖ്യമുണ്ട്. നിങ്ങൾ പതിവായി ഇഎംഐ തിരിച്ചടവുകൾ നടത്തുമ്പോൾ, ബിഎൻപിഎൽ സൗകര്യം വാഗ്ദാനം ചെയ്ത ബാങ്ക്/എൻബിഎഫ്സി ഓരോ തിരിച്ചടവും സിആർഐഎഫ് ഹൈ മാർക്ക് പോലുള്ള ക്രെഡിറ്റ് ബ്യൂറോകൾക്ക് റിപ്പോർട്ട് ചെയ്യുന്നു. ഇത് നിങ്ങളുടെ ക്രെഡിറ്റ് സ്കോർ വർധിപ്പിക്കാൻ സഹായിക്കുന്നു. 6 മാസത്തിനുള്ളിൽ, നിങ്ങൾ ഒരു നല്ല ക്രെഡിറ്റ് സ്കോർ നേടിയുകഴിഞ്ഞാൽ, വായ്പയ്‌ക്കോ ക്രെഡിറ്റ് കാർഡിനോ വേണ്ടി നിങ്ങൾക്ക് ബാങ്കുകളെയോ/എൻ‌ബി‌എഫ്‌സികളെയോ നേരിട്ട് സമീപിക്കാം.
