അമർനാഥ് : ഇന്ന് പുലർച്ചെ അഞ്ച് ബസുകൾ പരസ്പരം കൂട്ടിയിടിച്ച് 36 അമർനാഥ് തീർത്ഥാടകർക്ക് പരിക്കേറ്റു. റംബാൻ ജില്ലയിലാണ് അപകടം നടന്നത്. ജമ്മുവിലെ ഭഗവതി നഗർ ബേസ് ക്യാമ്പിൽ നിന്ന് യാത്രികരുമായി ദക്ഷിണ കശ്മീരിലെ പഹൽഗാം ബേസ് ക്യാമ്പിലേക്ക് പോകുകയായിരുന്ന ബസുകളാണ് അപകടത്തിൽപ്പെട്ടത്. ജമ്മു-ശ്രീനഗർ ദേശീയ പാതയിൽ ചന്ദർകൂട്ടിന് സമീപം രാവിലെ 8 മണിയോടെ ഒരു ബസിൽ ബ്രേക്ക് നഷ്ടപ്പെട്ടതാണ് അപകടത്തിന് കാരണമെന്ന് ഉദ്യോഗസ്ഥർ പറഞ്ഞു
വാഹനവ്യൂഹത്തിന്റെ അവസാന വാഹനം നിയന്ത്രണം നഷ്ടപ്പെട്ട് ചന്ദർകോട്ട് ലാംഗർ സ്ഥലത്ത് കുടുങ്ങിക്കിടക്കുന്ന വാഹനങ്ങളിൽ ഇടിച്ചു, നാല് വാഹനങ്ങൾക്ക് കേടുപാടുകൾ സംഭവിക്കുകയും 36 യാത്രക്കാർക്ക് നിസ്സാര പരിക്കേൽക്കുകയും ചെയ്തു എന്ന് റംബാൻ ഡെപ്യൂട്ടി കമ്മീഷണർ മുഹമ്മദ് അലിയാസ് ഖാൻ മാധ്യമപ്രവർത്തകരോട് പറഞ്ഞു.
സ്ഥലത്തുണ്ടായിരുന്ന സർക്കാർ ഉദ്യോഗസ്ഥർ പരിക്കേറ്റ യാത്രിക്കാരെ ഉടനടി റംബാൻ ജില്ലാ ആശുപത്രിയിലേക്ക് കൊണ്ടുപോയി . പരിക്കേറ്റവരുടെ ചികിത്സ പരിചരണം ഉറപ്പാക്കാൻ ചീഫ് മെഡിക്കൽ ഓഫീസർക്ക് നിർദ്ദേശം നൽകി .
യാത്രികരെ പിന്നീട് മറ്റ് വാഹനങ്ങളിലേക്ക് മാറ്റിയെന്ന് ഡിസി പറഞ്ഞു. പരിക്കേറ്റവർക്ക് പ്രഥമശുശ്രൂഷ നൽകിയ ശേഷം ഡിസ്ചാർജ് ചെയ്തതായി റമ്പാൻ ജില്ലാ ആശുപത്രിയിലെ മെഡിക്കൽ സൂപ്രണ്ട് അറിയിച്ചു.
